ورځنۍ رڼا, مۍ ۳۰: په تنګه دروازه ورداخل شئ (متى ۷:۱۳)

نو راځئ چې مونږ په هغه آرام کښې د داخلېدو دپاره هر کوشش وکړُو نو چې په مونږ کښې څوک هم د هغوئ په شان د نافرمانۍ په وجه ناکامه نۀ شُو.

عبرانيان ۴:۱۱

په تنګه دروازه ورداخل شئ. ځکه چې د تباهۍ دروازه کولاو ده، لاره يې ښۀ پلنه ده او ډېر په دغه لاره ځى. خو کومه دروازه چې د ژوند په لورې ده هغه وړه ده او لاره يې تنګه ده، او د دې پېدا کوونکى هم لږ دى.

متى ۷:۱۳–۱۴

د بپتسمه ورکونکى يحيىٰ د راتلو د ورځو نه پس لا تر اوسه د آسمان په بادشاهۍ زور کولے شى او زورَور يې په زور رانيسى.

متى ۱۱:۱۲

د داسې خوراک دپاره خوارى مۀ کوئ چې ختميږى بلکې د هغې روټۍ دپاره خوارى کوئ چې تر ابده پاتې کيږى، او کوم به چې اِبن آدم تاسو له درکړى.

يوحنا ۶:۲۷

د خپلې بلنې او غوره والى د ثابتولو زيات کوشش کوئ ... په دې طريقه د دې سره به تاسو زمونږ د مالِک او خلاصوونکى عيسىٰ مسيح په ابدى بادشاهۍ کښې ډېر په عزت سره داخل کړے شئ.

دوېم پطروس ۱:۱۰–۱۱

نو تاسو هم داسې منډه ووهئ چې وې ګټئ. هر لوبغاړے په هر څيز کښې سخته پابندى کوى. هغوئ دا د فنا کېدونکى تاج د حاصلولو دپاره کوى، خو مونږ دا د ابدى تاج دپاره کوُو.

اول کورنتيان ۹:۲۴–۲۵

ځکه هغه څوک چې د خُدائ پاک په آرام کښې داخل شى، نو هغوئ به هم د خُدائ پاک په شان د خپلو کارونو نه په آرام شى.

عبرانيان ۴:۱۰

ځکه چې مالِک خُدائ به ستاسو نۀ ختمېدونکے رڼا وى او خُدائ پاک به ستاسو جلال وى.

يشعياه ۶۰:۱۹

ما ته پته ده چې تۀ همېشه زما اورې.

يوحنا ۱۱:۴۲

پلاره، زۀ ستا شُکر کوم چې تا زما دُعا واورېدله.

يوحنا ۱۱:۴۱

اے پلاره، خپل نوم ته جلال ورکړه.“ بيا د آسمان نه يو آواز راغلو، ”ما خپل نوم ته جلال ورکړے دے او زۀ به بيا هم جلال ورکړم.“

يوحنا ۱۲:۲۸

وګوره خُدايه پاکه ... د کِتاب مقدس په پاڼو کښې يې زما په حقله دا ليکلى دى.“

عبرانيان ۱۰:۷

زما مرضى نه بلکې ستا مرضى دې پوره شى.

لوقا ۲۲:۴۲

نو دا ځکه چې مونږ په دُنيا کښې د عيسىٰ په شان ژوند تېروو.

اول يوحنا ۴:۱۷

او په دې زمونږ باور دے چې کۀ مونږ د هغۀ د مرضۍ په مطابق د هغۀ نه څۀ وغواړو نو هغه زمونږ سوالونه اورى.

اول يوحنا ۵:۱۴

او مونږ چې څۀ هم د هغۀ نه وغواړو هغه يې راکوى، ځکه چې مونږ د هغۀ په حُکمونو عمل کوُو او په څۀ چې هغه خوشحاليږى هم هغه کوُو.

اول يوحنا ۳:۲۲

او بغېر د ايمان نه د خُدائ پاک خوشحالول ناممکن دى، ځکه چې څوک خُدائ پاک ته راځى هغوئ ته په دې ايمان راوړل په کار دى چې هغه موجود دے او چې څوک هغه لټوى، هغوئ ته اجر ورکوى.

عبرانيان ۱۱:۶

نو په دې وجه هغه اوس او همېشه کولے شى چې څوک هم د هغۀ په وسيله خُدائ پاک ته راځى هغه هغوئ ته خلاصون ورکولے شى ځکه چې هغه د هغوئ د شفاعت دپاره همېشه ژوندے دے.

عبرانيان ۷:۲۵

خو کۀ څوک ګناه وکړى نو د پلار سره زمونږ يو شفاعت کوونکے دے، يعنې عيسىٰ مسيح چې صادق دے.

اول يوحنا ۲:۱