ورځنۍ رڼا, مۍ ۲۲: زۀ تاسو ته سکون پرېږدم، زما خپل سکون

زۀ تاسو ته سکون پرېږدم، زما خپل سکون، هغه چې دُنيا يې نۀ شى ورکولے.

يوحنا ۱۴:۲۷

دُنيا او د هغې شوق تېرېدونکى دى.

اول يوحنا ۲:۱۷

هر انسان د سورى په شان په تېزۍ سره د مرګى طرف ته روان وى، دوئ مال راټولوى خو خبر نۀ دى چې دا به څوک خرچ کوى.

زبور ۳۹:۶

په کوم کردار چې اوس تاسو شرمېږئ او اَنجام يې مرګ دے، نو د هغې فائده څۀ وه؟

روميان ۶:۲۱

مرتا، مرتا، تۀ د ډېرو څيزونو په سوچونو کښې ډوبه شوې يې. خو د دې نه يوه خبره ضرورى ده او مريمې چې کومه خوښه کړې ده هغه بهتره ده او دا به د هغې نه هيڅکله وانۀ خستلے شى.

لوقا ۱۰:۴۱–۴۲

زۀ دا غواړم چې تاسو د پرېشانۍ نه بې‌غمه اوسئ.

اول کورنتيان ۷:۳۲

ما تاسو ته دا هر څۀ ووئيل نو چې تاسو په ما کښې سلامتيا حاصله کړئ. په دې دُنيا کښې به تاسو زحمتونو سره مخامخ شئ. خو زړَور شئ ځکه چې زۀ په دُنيا غالب شوے يم.“

يوحنا ۱۶:۳۳

اوس مالِک چې د سلامتۍ سرچينه دے په خپله دې تاسو ته هر وخت او په هر حال کښې سلامتى درکړى.

دوېم تِسالونيکيان ۳:۱۶

”مالِک خُدائ دې تاسو له برکت درکړى او ستاسو خيال دې وساتى، مالِک خُدائ دې د خپل مخ نُور په تاسو وځلوى او په تاسو دې رحم وکړى، مالِک خُدائ دې ستاسو مل وى او تاسو له دې سلامتى درکړى.“

شمېر ۶:۲۴–۲۶

روحُ القُدس هم په دې شان زمونږ په کمزورتياو کښې زمونږ مدد کوى.

روميان ۸:۲۶

خو مددګار يعنې روحُ القُدس چې پلار به يې زما په نوم راولېږى.

يوحنا ۱۴:۲۶

ولې تاسو ته پته نشته چې ستاسو بدن د روحُ القُدس کور دے؟ څوک چې په تاسو کښې اوسيږى او هغه د خُدائ پاک د طرف نه تاسو ته درکړے شوے دے.

اول کورنتيان ۶:۱۹

ځکه چې دا خُدائ پاک دے چې په تاسو کښې نيت او عمل دواړه د خپلې نېکې ارادې پوره کولو دپاره پېدا کوى.

فيليپيانو ۲:۱۳

مونږ په دې هم نۀ پوهيږو چې دُعا څنګه کول په کار دى خو روحُ القُدس په اسويلو کښې زمونږ داسې شفاعت کوى چې په لفظونو کښې نۀ شى بيانېدلے. او خُدائ پاک څوک چې د زړُونو په رازونو پوهه دے، هغۀ ته دا معلومه ده چې د روحُ القُدس سوچ څۀ دے ځکه چې روحُ القُدس د مقدسينو دپاره د خُدائ پاک د مرضۍ په مطابق شفاعت کوى.

روميان ۸:۲۶–۲۷

ځکه چې هغۀ ته پته ده چې مونږ څنګه جوړ شوى يُو، هغۀ ته دا ياد دى چې مونږ خاورې يُو.

زبور ۱۰۳:۱۴

هغه به يوه کږه لوخه هم نۀ ماتوى او نۀ به کمه بلېدونکې ډيوه مړه کوى.

يشعياه ۴۲:۳

ځکه چې روح خو تيار دے خو بدن کمزورے دے.“

متى ۲۶:۴۱

مالِک خُدائ دے شپون زما، نو د هيڅ څيز حاجت نشته دے زما. راکوى آرام په شين چمن کښې ما له، بوځى مې هغه د آرامو اوبو خوا له.

زبور ۲۳:۱–۲