ورځنۍ رڼا, اپریل ۱: خو د خُدائ پاک د روح مېوه مينه

خو د خُدائ پاک د روح مېوه مينه.

ګلتيان ۵:۲۲

او په صُلح ده او په روحُ القُدس کښې په خوشحالۍ ده.

روميان ۱۴:۱۷

او په جلالى انداز کښې خوشحالى کوئ کومه چې د بيان نه بهر ده.

اول پطروس ۱:۸

کۀ مونږ غمژن يُو خو هر وخت خوشحاله يُو ... ما ته پوره تسلى حاصله ده او په خپلو ټولو مصيبتونو کښې بيا هم بې‌حده خوشحاله يم.

۲ Corinthians ۶:۱۰; ۷:۴

نۀ صرف دا بلکې مونږ په خپلو تکليفونو هم خوشحالى کوُو.

روميان ۵:۳

او عيسىٰ چې د ايمان بانى او کاملونکے دے هغۀ ته وګورو چا چې د خوشحالۍ حاصلولو دپاره د سولۍ مرګ وزغملو او د دې په بې‌عزتۍ ونۀ شرمېدلو او د خُدائ پاک د تخت په ښى لاس کښېناستو.

عبرانيان ۱۲:۲

ما تاسو ته دا ټولې خبرې د دې دپاره وکړې چې زما خوشحالى په تاسو کښې وى او چې ستاسو خوشحالى پوره شى.

يوحنا ۱۵:۱۱

د مسيح په وجه چې د څومره ډېرو تکليفونو سره مخامخ کيږُو نو ورسره خُدائ پاک په مسيح کښې زمونږ تسلى هم زياتوى.

دوېم کورنتيان ۱:۵

همېشه په مالِک کښې خوشحالى کوئ، او بيا هم وايم چې خوشحالى کوئ.

فيليپيانو ۴:۴

د مالِک خُدائ خوشحالى ستاسو د طاقت بنياد دے.“

نحمياه ۸:۱۰

د خپل حضور خوند به ما له راکړې، تا سره د تل ژوندون خوشحالى به ما له راکړې.

زبور ۱۶:۱۱

ځکه چې هغه ګډُورے چې د تخت په مينځ کښې دے، هغه به د دوئ شپونکے وى او هغه به دوئ د ژوندون د اوبو چينو ته بوځى، او خُدائ پاک به د دوئ د سترګو نه ټولې اوښکې پاکې کړى.“

رويا ۷:۱۷

جدعون هلته مالِک خُدائ ته يوه قربان‌ګاه جوړه کړه او ”مالِک خُدائ خېر دے“ نوم يې پرې کېښودو. دا تر اوسه پورې په عفره کښې ولاړه ده چې دا د ابيعزر د قبيلې ده.

قاضيانو ۶:۲۴

خو هغۀ بيا هم ما سره يوه وعده وکړه چې، ستا به يو زوئ پېدا شى چې هغه به په امن سره حکومت کوى، ځکه چې زۀ به هغۀ له د هغۀ د ټولو ګېرچاپېره دشمنانو نه امن ورکړم. د هغۀ نوم به سليمان وى، ځکه چې د هغۀ په بادشاهۍ کښې به زۀ بنى اِسرائيلو له امن او سلامتى ورکړم.

اول تواريخ ۲۲:۹

او څوک چې دلته دے هغه د سليمان نه هم لوئ دے.

متى ۱۲:۴۲

زمونږ دپاره يو ماشوم پېدا شوے دے. مونږ له يو زوئ راکړے شوے دے. او حکمرانى به د هغۀ په اوږو وى. هغه به په دې نومونو سره ياديږى، ”عظيم مشير،“ ”خُدائ تعالىٰ،“ ”ابدى پلار“ او ”د امن شهزاده.“

يشعياه ۹:۶

زما خلق به پُرسکون او محفوظ ځايونو کښې اوسيږى، او د هغوئ کورونه به د امن او سلامتۍ نه ډک وى، اګر کۀ ځنګل تباه شى او ښار مکمل برباد شى.

يشعياه ۳۲:۱۸–۱۹

ځکه چې مسيح په خپله زمونږ صُلح وکړه.

اِفِسيانو ۲:۱۴

او هغه به د هغوئ سلامتيا سرچينه وى. کله چې اسوريان زمونږ په مُلک حمله وکړى او زمونږ په پَخو دېوالونو راواوړى.

ميکاه ۵:۵

هغوئ به د ګډُورى سره جنګ وکړى خو ګډُورے به په هغوئ کامياب شى ځکه چې هغه د مالِکانو مالِک او د بادشاهانو بادشاه دے.

رويا ۱۷:۱۴

زۀ تاسو ته سکون پرېږدم، زما خپل سکون.

يوحنا ۱۴:۲۷