ورځنۍ رڼا, سېپتمبر ۲۲: او هغه د بدن، يعنې د جماعت سر دے

زما خيالونه او سوچونه دې هغه خوشحاله کړى، لکه چې زۀ په مالِک خُدائ کښې خوشحالى کوم.

زبور ۱۰۴:۳۴

لکه د سيب د ونې په شان په ځنګل کښې زما جانان د نورو زلمو په مينځ کښې دېنه. د هغۀ د سورى لاندې په کښېناستو ډېره خوشحالېږمه، او زما په خولۀ د هغۀ مېوې خوږې لګيږينه.

غزلې ۲:۳

په ټولو آسمانونو کښې داسې بل څوک نشته لکه د مالِک خُدائ په شان، په آسمانى مخلوق کښې څوک داسې نشته لکه د مالِک خُدائ په شان.

زبور ۸۹:۶

زما جانان سور سپين دېنه، او په لسو زرو کښې د ټولو نه اعلىٰ دېنه.

غزلې ۵:۱۰

هغۀ يوه ډېره غوره ملغلره وموندله او د هغې د حاصلولو دپاره يې خپل هر څۀ خرڅ کړل او هغه يې واخسته.

متى ۱۳:۴۶

او د عيسىٰ مسيح د طرف نه چې وفادار ګواه دے او چې د مړو نه اول ژوندے پاڅېدو او د زمکې د بادشاهانو سردار دے.

رويا ۱:۵

د هغۀ سر د سوچه سرو زرو دېنه، د هغۀ وېښتۀ وَل وَل دينه، او لکه د کارغۀ په شان تور دېنه.

غزلې ۵:۱۱

او خُدائ پاک هر څۀ د مسيح د پښو لاندې کړل او هغه يې د جماعت په ټولو څيزونو سردار جوړ کړو.

اِفِسيانو ۱:۲۲

او هغه د بدن، يعنې د جماعت سر دے.

کولوسيان ۱:۱۸

د هغۀ اننګى د باغ په شان دينه، چې د خوشبودارو بوټو نه ډک وينه.

غزلې ۵:۱۳

خو هغۀ خپل ځان پټ نۀ کړے شو.

مرقوس ۷:۲۴

د هغۀ شونډې د لاله د ګل په شان دينه، لکه چې د مُر په چيړ خوشبويه شوې وينه.

غزلې ۵:۱۳

هيڅکله هم چا داسې خبرې نۀ دى کړى څنګه يې چې دا سړے کوى.

يوحنا ۷:۴۶

د هغۀ شکل د لبنان د غرونو د خاص دِيار په شان ښکارينه.

غزلې ۵:۱۵

خپله د مخ رڼا دې په خپل خِدمتګار وځلوه.

زبور ۳۱:۱۶

اے مالِکه خُدايه، خپله د مخ رڼا دې په مونږ وځلوه.

زبور ۴:۶

اے زما پلاره، کۀ کېدے شى نو دا د تکليف پياله زما نه اخوا کړه، زما مرضى نه بلکې ستا مرضى دې پوره شى.

متى ۲۶:۳۹

اوس زما زړۀ پرېشانه دے او زۀ څۀ ووايم؟ چې اے پلاره، ما د دې وخت نه بچ کړه؟ خو، هم دا وجه ده چې زۀ دې وخت له راغلے يم.

يوحنا ۱۲:۲۷

ځکه چې زۀ د آسمان نه د خپلې رضا پوره کولو دپاره نۀ يم راکوز شوے بلکې د هغۀ د رضا پوره کولو دپاره چا چې زۀ رالېږلے يم.

يوحنا ۶:۳۸

بلکې د سولۍ مرګ يې قبول کړو.

فيليپيانو ۲:۸

کله چې عيسىٰ په زمکه ژوند تېرولو نو په هغه ورځو کښې هغۀ په چغو او اوښکو بهېدلو سره خُدائ پاک ته دُعا او مِنت زارى وکړه چا چې هغه د مرګ نه بچ کولے شو، او د هغۀ دُعا قبوله شوه ځکه چې هغۀ په پوره توګه خپل ځان خُدائ پاک ته وقف کړے وو. اګر چې هغه زوئ وو، خو د تکليفونو په تېرولو هغۀ فرمانبردارى زده کړه.

عبرانيان ۵:۷–۸

ولې تۀ په دې نۀ پوهېږې چې زۀ د خپل پلار نه مدد وغواړم او هغه به په دې ساعت زما د مدد دپاره د فرښتو د دولسو لښکرو نه زيات راولېږى؟

متى ۲۶:۵۳

د پخوا نه دا ليکلے شوى دى چې مسيح به زحمت وزغمى او په درېمه ورځ به د مړو نه بيا ژوندے پاڅى. او د هغۀ په نامه به ټولو قومونو ته د ګناهونو نه د توبې او د معافۍ وعظ کولے شى. چې د يروشلم نه به شروع شى.

لوقا ۲۴:۴۶–۴۷