ورځنۍ رڼا, جولای ۲۷: څوک چې د خُدائ پاک په صورت دے

څوک چې د خُدائ پاک په صورت دے.

دوېم کورنتيان ۴:۴

نو د مالِک خُدائ جلال به راڅرګند شى، او ټول بنى آدم به هغه په شريکه وګورى.

يشعياه ۴۰:۵

هيچا هم چرې خُدائ پاک نۀ دے ليدلے، بلکې بې د يکې يو نه، څوک چې په خپله خُدائ پاک دے، چې د پلار د سترګو تور دے. هم هغۀ مونږ ته خُدائ پاک ښکاره کړو. نو کلام انسان شو او هغه زمونږ په مينځ کښې اوسېدو او مونږ د هغۀ لوئى وليدله، د واحد او د اېک يو زوئ لوئى، چې د حقيقت او وفادارۍ نه معمور وى څوک چې د پلار د خوا نه راغلے وى.

يوحنا ۱:۱۸, ۱۴

چا چې زۀ ليدلے يم هغۀ پلار هم ليدلے دے.

يوحنا ۱۴:۹

هغه د خُدائ د جلال مظهر او هغه د خُدائ د ذات تصوير دے او هغه ټول کائنات په خپل زورَور کلام سمبالوى.

عبرانيان ۱:۳

او د روح په وسيله رښتونے ثابت شو او فرښتو هغه وليدو.

اول تيموتيوس ۳:۱۶

چا کښې چې مونږ ته خلاصون، يعنې د ګناهونو نه معافى حاصله ده. مسيح د ناليدلى خُدائ پاک صورت او د ټولو مخلوقاتو نه اول پېدا شوے دے.

کولوسيان ۱:۱۴–۱۵

ځکه چې خُدائ پاک هغوئ د مخکښې نه پېژندل او هغوئ يې د مخکښې نه مقرر کړى وُو، چې دوئ دې د هغۀ د زوئ په شان شى، ترڅو چې د هغۀ زوئ په دې ټولو وروڼو کښې اول زوئ وګرځى.

روميان ۸:۲۹

او څنګه چې مونږ د دې زمکنى انسان په صورت جوړ شوى يُو دغه شان به د آسمانى انسان په صُورت کښې هم شُو.

اول کورنتيان ۱۵:۴۹

ما له دې راکړو طاقت د جنګ دپاره.

زبور ۱۸:۳۹

نو کله چې زۀ کمزورے يم نو بيا هغه وخت هم زورَور يم.

دوېم کورنتيان ۱۲:۱۰

آسا مالِک خُدائ خپل خُدائ پاک ته سوال وکړو، ”اے مالِکه خُدايه، تۀ د تکړه لښکر په شان د يو کمزورى لښکر هم په آسانۍ سره مدد کولے شې. اے مالِکه خُدايه زمونږ خُدايه پاکه، اوس زمونږ مدد وکړه، ځکه چې مونږ په تا اعتماد کوُو او ستا په نوم د دې لوئ لښکر سره د جنګ دپاره راغلى يُو. مالِکه خُدايه، تۀ زمونږ خُدائ پاک يې، هيڅ څوک دا اُميد نۀ شى لرلے چې تا له شکست درکړى.“

دوېم تاريخ ۱۴:۱۱

خو يهوسفط يوه چغه ووهله او مالِک خُدائ.

دوېم تاريخ ۱۸:۳۱

دا ښۀ ده چې په مالِک خُدائ کښې پناه واخلم، د دې په ځائ چې په بنيادم توکل وکړم. دا بهتره ده چې په مالِک خُدائ کښې پناه واخلم، نه چې په شهزادګانو توکل وکړم.

زبور ۱۱۸:۸–۹

يو بادشاه به هم د خپل لښکر په ډيروالى بچ نۀ شى، او نۀ به کوم تکړه سپاهى په خپل زور تښتېدے شى. د خلاصون دپاره جنګى آس بې‌فائدې شى، هغه په خپل ټول زور بيا هم تا بچ کولے نۀ شى.

زبور ۳۳:۱۶–۱۷

ځکه چې زمونږ جنګ د انسان خلاف نه بلکې د بدکارو حکمرانانو، د اختيار د مالِکانو، د دُنيا د تيارو د قوتونو خلاف او د شېطانى ارواح خلاف دے چې په آسمانى ځايونو کښې دى. په دې وجه تاسو د خُدائ پاک په پوره وسلې ځان سمبال کړئ.

اِفِسيانو ۶:۱۲–۱۳