ورځنۍ رڼا, جنوري ۲۰: هغه به په دې نومونو سره ياديږى

هغه به په دې نومونو سره ياديږى.

يشعياه ۹:۶

نو کلام انسان شو او هغه زمونږ په مينځ کښې اوسېدو او مونږ د هغۀ لوئى وليدله، د واحد او د اېک يو زوئ لوئى، چې د حقيقت او وفادارۍ نه معمور وى څوک چې د پلار د خوا نه راغلے وى.

يوحنا ۱:۱۴

او تا په ټولو څيزونو باندې خپل نوم او کلام اوچت کړو.

زبور ۱۳۸:۲

يوه پېغله به اُميدواره شى او زوئ به يې وشى او د هغۀ نوم به عمانو‌ايل کېږدى، چې مطلب يې دے، خُدائ پاک زمونږ مل دے.

متى ۱:۲۳

ولې چې هغه به خپل اُمت د ګناهونو نه خلاصوى.“

متى ۱:۲۱

نو چې ټول د زوئ داسې عزت کوى لکه څنګه چې هغوئ د پلار عزت کوى.

يوحنا ۵:۲۳

هم په دې وجه خُدائ پاک هغۀ له د ټولو نه اوچت مقام ورکړو او هغۀ له يې هغه نوم ورکړو چې د ټولو نومونو نه اعلىٰ دے.

فيليپيانو ۲:۹

هلته يې مسيح د هر قسم حکومت او اختيار او قدرت او رياست او د هر يو نوم نه زيات اوچت کړو کوم چې به نۀ تش په دې دُنيا کښې بلکې په راتلونکې دُنيا کښې هم اوچت وى. او خُدائ پاک هر څۀ د مسيح د پښو لاندې کړل او هغه يې د جماعت په ټولو څيزونو سردار جوړ کړو.

اِفِسيانو ۱:۲۱–۲۲

په هغې يو نوم ليکلے شوے دے چې بې له دۀ نه پرې نور هيڅوک نۀ پوهيږى ... د بادشاهانو بادشاه او د مالِکانو مالِک.

رويا ۱۹:۱۲, ۱۶

مونږ د قادر مطلق خُدائ د طاقت تصور نۀ شُو کولے.

ايُوب ۳۷:۲۳

د هغۀ نوم څۀ دے او د هغۀ د زوئ نوم څۀ دے؟ کۀ تا ته پته وى نو ما ته يې راوښايه.

متلونه ۳۰:۴

خو د يعقوب اولاد هغۀ د خپل ځان دپاره خوښ کړو.

ګردان ۳۲:۹

او تاسو د عيسىٰ مسيح يئ او مسيح د خُدائ پاک دے.

اول کورنتيان ۳:۲۳

زۀ د خپل جانان يمه، او د هغۀ زړۀ ما غواړينه.

غزلې ۷:۱۰

جانان زما او زۀ د جانان يمه، هغه چې د لاله په ګلونو کښې مزې کوينه.

غزلې ۲:۱۶

او زۀ چې اوس کوم ژوند تېروم نو د خُدائ پاک په زوئ يې په ايمان راوړلو کښې تېروم چا چې ما سره مينه کړې ده او زما دپاره يې خپل ځان قربان کړو.

ګلتيان ۲:۲۰

نو اوس تاسو د خپل ځان مالِک نۀ يئ. ځکه چې خُدائ پاک تاسو په بيعه اخستى يئ، نو په دې وجه خپل بدن کښې خُدائ پاک ته جلال ورکړئ.

اول کورنتيان ۶:۱۹–۲۰

خو تاسو هغه خلق يئ چې مالِک خُدائ د مِصر نه راوويستلئ چرته چې تاسو د اور په تنور کښې وئ. هغۀ تاسو ځکه راوويستلئ چې هغه تاسو خپل خلق جوړ کړى لکه چې نن تاسو يئ.

ګردان ۴:۲۰

تاسو د خُدائ پاک زمکه او د خُدائ پاک عمارت يئ.

اول کورنتيان ۳:۹

خو مسيح د زوئ په حيثيت د خُدائ په کور اختيارمند دے، او مونږ د هغۀ کور يُو کۀ چرې مونږ په هغه اعتماد او فخر قائم پاتې شُو چې د اُميد سره تعلق ساتى.

عبرانيان ۳:۶

تاسو هم د ژوندو کاڼو په شان يئ چې خُدائ پاک ترې نه خپل روحانى کور جوړوى چې د اِمامانو مقدسه فرقه په جوړېدو داسې روحانى قربانۍ پېش کړئ چې د عيسىٰ مسيح په وسيله خُدائ پاک ته قبولې وى.

اول پطروس ۲:۵

مالِک خُدائ ربُ الافواج فرمائى، ”هغوئ به زما وى. په هغه ورځ کله چې زۀ هغوئ خپل خاص ملکيت جوړوم، زۀ به هغوئ سره همدردى وکړم.

ملاکى ۳:۱۷

څۀ چې زما دى هغه ستا دى، او څۀ چې ستا دى هغه زما دى، او په هغوئ کښې زما لوئى څرګنده شوه.

يوحنا ۱۷:۱۰

يعنې هغه شاندار ميراث له چې هغۀ د خپلو مقدسينو دپاره ساتلے دے څومره لوئ دولت دے.

اِفِسيانو ۱:۱۸