ورځنۍ رڼا, جولای ۱۵: ما ته توجو وکړئ چې څۀ اورئ (مرقوس ۴:۲۴)

ستا مرضى دې په زمکه هم پوره شى څنګه چې په آسمان کښې پوره کيږى.

متى ۶:۱۰

فرښتو د مالِک خُدائ ثناء صِفت ادا کړئ، تاسو چې زورَورې يئ او د هغۀ په حُکمونو عمل کوئ، او د هغۀ د کلام تابعدارى کوئ. اے د فرښتو لښکرو، تاسو د مالِک خُدائ ثناء ووايئ، اے د هغۀ خِدمتګارانو چې د هغۀ رضا پوره کوئ.

زبور ۱۰۳:۲۰–۲۱

ځکه چې زۀ د آسمان نه د خپلې رضا پوره کولو دپاره نۀ يم راکوز شوے بلکې د هغۀ د رضا پوره کولو دپاره چا چې زۀ رالېږلے يم.

يوحنا ۶:۳۸

پاکه خُدايه، چې زۀ ستا رضا پوره کړم، ستا قانون زما په زړۀ کښې ليکلے شوے دے.“

زبور ۴۰:۸

کۀ چرې دا د تکليف پياله زما د څښلو نه بغېر اخوا کېدے نۀ شى، نو ستا رضا دې وشى.

متى ۲۶:۴۲

هر هغه څوک چې ما ته مالِک مالِک وائى هغه به د آسمان په بادشاهۍ کښې ورداخل نۀ شى، خو صرف هغه کس چې زما د آسمانى پلار په رضا کار کوى.

متى ۷:۲۱

ځکه چې نۀ صرف د شريعت په اورېدو بلکې په هغې د عمل کولو په وسيله سړے د خُدائ پاک په نظر کښې صادق کيږى.

روميان ۲:۱۳

اوس تاسو په دې خبره پوهه شوئ نو تاسو بختور يئ کۀ چرې عمل پرې وکړئ.

يوحنا ۱۳:۱۷

نو بيا کۀ څوک په ښۀ کولو پوهيږى او نۀ يې کوى، نو هغه ګناه کوى.

يعقوب ۴:۱۷

خپل ځان د دې موجوده دُنيا په شان مۀ جوړَوئ، بلکې خُدائ پاک له دا موقع ورکړئ چې ستاسو زاړۀ خيالونه بدل کړى.

روميان ۱۲:۲

ځکه چې غوږونه خبرې داسې معلوموى لکه څنګه چې ژبه د خوراک په خوند پوهيږى.

ايُوب ۳۴:۳

ګرانو دوستانو، په هر چا يقين مۀ کوئ څوک چې دا دعوىٰ کوى چې هغه د خُدائ د روح نه خبرې کوى بلکې تاسو هر يو کس آزمايئ چې هغه روح د خُدائ پاک د طرفه دے او کۀ نه، ځکه چې ډېر دروغژن نبيان په دُنيا کښې راپېدا شوى دى.

اول يوحنا ۴:۱

په ظاهرى صورت فېصله مۀ کوئ بلکې په اِنصاف سره فېصله کوئ.“

يوحنا ۷:۲۴

تاسو په خپله پوهيږى څۀ چې زۀ وايم تاسو د هغې په خپله جاج واخلئ.

اول کورنتيان ۱۰:۱۵

د مسيح کلام دې ستاسو په زړونو کښې ډېر ځائ ومومى.

کولوسيان ۳:۱۶

د چا چې غوږونه وى، هغه دې واورى چې روحُ القُدس جماعتونو ته څۀ فرمائى.“

رويا ۲:۲۹

څوک چې روحانى خلق دى هغوئ هر څۀ آزمائى خو هغه په خپله هيڅوک نۀ شى آزمائيلے.

اول کورنتيان ۲:۱۵

ما ته توجو وکړئ چې څۀ اورئ.

مرقوس ۴:۲۴

زۀ ستا د ټولو عملونو نه خبر يم. ... تا هغوئ وآزمائيل څوک چې ځان ته رسولان وائى خو نۀ دى، او دروغژن دې ثابت کړل.

رويا ۲:۲

خو ټولې پېشګويانې وآزمايئ او چې کومې ښې وى هغه راټينګوئ.

اول تِسالونيکيان ۵:۲۱

او ګډې د هغۀ آواز اورى او هغه خپلې ګډې په نوم رابلى او هغوئ په هغۀ پسې روانې وى. کله چې هغه خپلې ټولې ګډې رابهر کړې نو هغه ترې وړاندې ځى او ګډې ورپسې، ځکه چې هغوئ د هغۀ آواز پېژنى. هغوئ به نا آشنا سړى پسې چرې هم نۀ ځى. بلکې هغوئ به د هغۀ نه وتښتى ځکه چې هغوئ د نا آشنا سړى آواز نۀ پېژنى.“

يوحنا ۱۰:۳–۵