ورځنۍ رڼا, جنوري ۲۸: او هغه دې همېشه په امن کښې ژوند تېروى

او هغه دې همېشه په امن کښې ژوند تېروى.

ګردان ۳۳:۲۵

خو هر کله چې تاسو ونيولے شئ او عدالت ته بوتلے شئ نو د اول نه تاسو مۀ پرېشانه کېږئ چې تاسو به څۀ وايئ. خو هر کله چې وخت راشى نو هغه وخت چې څۀ د وينا دپاره درکړے شى هغه وايئ، ځکه چې دا به ستاسو خبرې نۀ وى بلکې ستاسو په ژبه به روحُ القُدس ګويا وى.

مرقوس ۱۳:۱۱

ځکه د سبا غم مۀ کوئ، سبا به خپل غم په خپله کوى. د نن دپاره نننے غم کافى دے.“

متى ۶:۳۴

د بنى اِسرائيلو خُدائ پاک طاقت او قدرت ورکوى خپلو خلقو ته، ثناء صِفت دې وى خُدائ پاک ته.

زبور ۶۸:۳۵

هغه کمزورو او ستړو له طاقت ورکوى.

يشعياه ۴۰:۲۹

زما فضل ستا دپاره کافى دے ځکه چې زما طاقت په کمزورتياو کښې پوره کيږى. نو زۀ به په خوشحالۍ په خپلو کمزورتياو فخر وکړم نو چې د مسيح قوت په ما کښې پاتې شى. په دې وجه زۀ د مسيح د خاطره په کمزورتيا کښې، په بې‌عزتۍ کښې، په سختو کښې، په تکليفونو کښې او په افتونو کښې خوشحاله يم، نو کله چې زۀ کمزورے يم نو بيا هغه وخت هم زورَور يم.

دوېم کورنتيان ۱۲:۹–۱۰

زۀ د مسيح په وسيله هر څۀ کولے شم څوک چې ما له طاقت راکوى.

فيليپيانو ۴:۱۳

زۀ به روان شم او د طاقت سره به روان يم.

قاضيانو ۵:۲۱

اے د شمال باده، راوالوځه ... زما په باغ باندې راوالوځه او د هغۀ خوشبو هرې خوا ته خوره کړه.

غزلې ۴:۱۶

همېشه په تنبيه کولو کښې مزه نۀ وى بلکې هغه دردناک وى. خو وروستو دا د هغوئ دپاره د صداقت او امن مېوه ونيسى د چا چې تنبيه شوى وى.

عبرانيان ۱۲:۱۱

خو د خُدائ پاک د روح مېوه مينه.

ګلتيان ۵:۲۲

هغوئ يې د نمرخاتۀ په طرف د يوې زورَورې هوا سره وشړل.

يشعياه ۲۷:۸

څومره چې پلار په خپلو بچو باندې مهربان وى، نو دومره مالِک خُدائ په هغوئ مهربانه دے څوک چې د هغۀ نه يريږى.

زبور ۱۰۳:۱۳

اګر کۀ چې زمونږ ظاهرى بدن ورو ورو ختميږى خو زمونږ باطنى بدن ورځ تر ورځ نوے کيږى. ځکه چې زمونږ د دغه لږ ساعت معمولى مصيبتونه زمونږ دپاره بې‌اندازې غېر معمولى او ابدى جلال پېدا کوى. نو ځکه مونږ په ليدلو څيزونو نه، بلکې په ناليدلو څيزونو نظر ساتو.

دوېم کورنتيان ۴:۱۶–۱۸

اګر چې هغه زوئ وو، خو د تکليفونو په تېرولو هغۀ فرمانبردارى زده کړه.

عبرانيان ۵:۸

ځکه چې زمونږ داسې مشر اِمام نۀ دے څوک چې زمونږ په کمزورتياو کښې مونږ سره همدردى ونۀ کړى بلکې هغه په ټولو خبرو کښې زمونږ په شان وآزمائيلے شو خو بيا هم بې‌ګناه وو.

عبرانيان ۴:۱۵