ورځنۍ رڼا, سېپتمبر ۵: او هغه د بدن، يعنې د جماعت سر دے

ځکه لکه څنګه چې بدن يو دے او د دې اندامونه ډېر دى، ... هم دغه شان مسيح هم دے.

اول کورنتيان ۱۲:۱۲

او هغه د بدن، يعنې د جماعت سر دے.

کولوسيان ۱:۱۸

او خُدائ پاک هر څۀ د مسيح د پښو لاندې کړل او هغه يې د جماعت په ټولو څيزونو سردار جوړ کړو، او جماعت د مسيح بدن دے. او د مسيح نه پوره معمورتيا حاصلوى او هم دې وخت کښې ټول کائنات د خپل حضور نه ډکوى.

اِفِسيانو ۱:۲۲–۲۳

ځکه چې مونږ د هغۀ د بدن اندامونه يُو.

اِفِسيانو ۵:۳۰

تا قربانى او نذرانه خوښه نۀ کړه بلکې تا زما دپاره يو بدن تيار کړو.

عبرانيان ۱۰:۵

ستا سترګو زما نامکمله بدن وليدلو. او تا د شروع نه هغه ټولې ورځې چې زما د ژوند دپاره مقرر کړې وې هغه دې په خپل کِتاب کښې وليکلې.

زبور ۱۳۹:۱۶

هغوئ ستا وُو او تا ما له راکړل او هغوئ ستا په کلام عمل کړے دے.

يوحنا ۱۷:۶

ځکه چې هغۀ مونږ په خپله مينه کښې د دُنيا د پېدايښت نه مخکښې په مسيح کښې خوښ کړُو چې مونږ د هغۀ په نظر کښې پاک او بې‌داغه شُو.

اِفِسيانو ۱:۴

ځکه چې خُدائ پاک هغوئ د مخکښې نه پېژندل او هغوئ يې د مخکښې نه مقرر کړى وُو، چې دوئ دې د هغۀ د زوئ په شان شى.

روميان ۸:۲۹

نو د دې په ځائ مونږ ته په مينه کښې حقيقت وئيل په کار دى، او په مسيح کښې به وده وکړُو، څوک چې زمونږ سر دے. هغه په خپله ټول بدن په کاملې طريقې سره يو ځائ کوى، چې دغه شان هره حِصه خپل خاص کار سر ته رسوى ... د دې دپاره چې ټول بدن صحتمند او پوره په مينې سره وده وکړى.

اِفِسيانو ۴:۱۵–۱۶

يو دا چې هغوئ زۀ چې د ژوندون د اوبو چينه يم پرېښودے يم.

يرمياه ۲:۱۳

خُدايه پاکه، ستا رښتينې او ابدى مينه څومره قيمتى ده. ټول انسانان ستا په وزرو کښې پناه اخلى. معمور به کړې هغوئ په پرېمانه مېلمستيا د خپل کور، او تۀ به هغوئ د خپل برکتونو د درياب نه کړې معمور. خو تۀ د ژوندون سرچينه يې.

زبور ۳۶:۷–۹

نو ځکه مالِک خُدائ تعالىٰ فرمائى، ”زما خادِمان به خوراک کوى خو تاسو به اوږى يئ. زما خادِمان به څښل کوى خو تاسو به تږى يئ.

يشعياه ۶۵:۱۳

خو چې څوک هغه اوبۀ وڅښى چې زۀ يې ورکوم هغه به هيڅکله نۀ تږے کيږى. زۀ چې کومې اوبۀ ورکوم هغه به په هغوئ کښې دننه لکه يوه چينه وګرځى چې همېشه به بهيږى او چې د تل ژوندون ورکوى.“

يوحنا ۴:۱۴

عيسىٰ دا خبره د هغه روحُ القُدس په حقله وکړه، کوم چې په هغه چا نازلېدونکے وو چا چې په عيسىٰ ايمان راوړو.

يوحنا ۷:۳۹

مالِک خُدائ فرمائى، ”هر څوک چې تږى وى.

يشعياه ۵۵:۱

روحُ القُدس او ناوې وائى چې، ”راشه.“ او هر اورېدونکے دې هم وائى چې، ”راشه.“ او څوک چې تږے وى، هغه دې راشى، او څوک چې يې غواړى، د ژوندون د اوبو نه دې وړيا واخلى.

رويا ۲۲:۱۷