۸ نو بيا زمونږ د مالِک په حقله د ګواهۍ ورکولو يا زما نه چې د هغۀ قېدى يم، مۀ شرمېږه، بلکې د خُدائ پاک د قدرت په وسيله د زيرى د خاطره ما سره په تکليفونو کښې شريک شه.
۱ نو اے زما زويه، نو بيا تۀ په هغه فضل مضبوط شه چې په عيسىٰ مسيح کښې دے. ۲ او کومې خبرې چې تا د ډېرو ګواهانو په موجودګۍ کښې زما نه اورېدلى دى هغه داسې وفادارو کسانو ته په حواله کړه څوک چې نورو ته د تعليم ورکولو لائق وى. ۳ د عيسىٰ مسيح د يو ښۀ سپاهى په شان ما سره په سختو زغملو کښې شريک شه. ۴ يو فوجى خپل ځان په روزمره معاملو کښې نۀ راګېروى ځکه چې د هغۀ مقصد د خپل آفسر زړۀ ساتل وى. ۵ او د لوبغاړى په صورت کښې هم تر هغې چا ته انعام نۀ ورکولے کيږى ترڅو چې يې په قانونى توګه مقابله نۀ وى کړى. ۶ کوم زميندار چې محنت کوى نو په کار دے چې د فصل وړومبۍ حِصه هغۀ ته ورکړے شى. ۷ څۀ چې زۀ وايم په هغې باندې سوچ وکړه نو بيا به مالِک تا له د ټولو خبرو پوهه درکړى. ۸ ياد ساته چې عيسىٰ مسيح د مړو نه راژوندے شوے دے او د داؤد د نسل نه دے، دا زما زيرے دے، ۹ د کوم دپاره چې ما سختۍ وزغملې تر دې چې د مجرم په شان په زنځير وتړلے شوم، خو د خُدائ پاک کلام په زنځير تړلے کېدے نۀ شى. ۱۰ په دې وجه زۀ د غوره شوو د خاطره دا هر څۀ په خپل ځان برداشت کوم نو د دې دپاره چې هغوئ هم هغه خلاصون او ابدى جلال چې د عيسىٰ مسيح په وسيله دے حاصل کړى. ۱۱ دا خبرې رښتيا دى چې، ”کۀ مونږ د هغۀ سره مړۀ شُو نو مونږ به د هغۀ سره ژوندى هم شُو. ۱۲ کۀ مونږ سختۍ وزغمو نو د هغۀ سره به بادشاهى هم کوُو، کۀ مونږ د هغۀ نه منکر شُو نو هغه به هم زمونږ نه منکر شى. ۱۳ کۀ مونږ بېوفا شُو خو هغه به وفادار پاتې شى، ځکه چې هغه نۀ شى کولے چې د خپل ځان نه اِنکار وکړى.“
۱۴ دا خبرې هغوئ ته وريادې کړه او د خُدائ پاک په وړاندې ورته خبردارے ورکړه چې لفظى تکرار دې ونۀ کړى، ځکه چې د دې نه هيڅ نۀ جوړيږى بلکې صرف اورېدونکى بربادوى. ۱۵ خپل ځان د خُدائ پاک په وړاندې مقبول او د يو داسې خدمتګار په شان د پېش کولو کوشش وکړه چې په خپل کار نۀ شرميږى، او چې د حق د کلام تعليم په صحيح توګه پېش کوى. ۱۶ د فضولو خبرو نه خپل ځان ساته ځکه چې دا خلق لا نور د بېدينۍ طرف ته بوځى. ۱۷ د هغوئ خبرې لکه د ناسور په شان خوريږى، او هميناوس او فيلتوس په هغوئ کښې دى ۱۸ څوک چې د حقيقت نه بېلارې شوى دى او داسې دعوىٰ کوى چې د بيا راژوندى کېدلو وخت خو وشو. او هغوئ د څۀ خلقو ايمان خرابوى. ۱۹ خو بيا هم د خُدائ پاک بنياد مضبوط دے او په هغې دا ليکلى دى چې، ”مالِک خپل هغه خلق پېژنى،“ او، ”څوک چې د هغۀ دى د مالِک نوم اخلى، هغه دې د شرارت نه واوړى.“ ۲۰ په لوئ کور کښې نۀ يواځې د سرو زرو او سپينو زرو لوښى وى بلکې د لرګى او خاورين لوښى هم وى، دا څۀ د خاص او څۀ د عام استعمال دپاره وى. ۲۱ څوک چې خپل ځانونه د هغه څيزونو نه پاک کړى چې شرمناک وى نو هغه به د خاص استعمال او د عزت لوښى شى او د کور د مالِک د هر ښۀ کار دپاره به تيار او فائده مند وى. ۲۲ نو د ځوانۍ د خواهشاتو نه تېښته کوه، او د هغې په ځائ د صداقت، ايمان او مينې او د صُلحې طلبګار اوسه، او بيا د هغه کسانو سره شامل شه څوک چې د مالِک نه په پاک زړۀ سره دُعا غواړى. ۲۳ خو د بېوقوفۍ او د جهالت د بحثونو نه ځان په ډډه ساته، ځکه تا ته پته ده چې د دې نه صرف جګړې جوړيږى. ۲۴ او دا په کار نۀ دى چې د مالِک خادِم دې جګړمار وى، بلکې هغه دې د ټولو سره نرمى کوى او هغه دې قابل اُستاذ او صبرناک وى. ۲۵ او هغوئ دې مخالفت کوونکى په نرمۍ سره سم کړى ځکه چې کېدے شى چې خُدائ پاک هغوئ ته د توبې کولو توفيق ورکړى نو چې هغوئ حق وپېژنى. ۲۶ نو بيا به هغوئ د اِبليس د دام نه آزاد شى چا چې دوئ د خپلې مرضۍ د پوره کولو دپاره په هغې کښې نيولى وُو.
۱۵ خپل ځان د خُدائ پاک په وړاندې مقبول او د يو داسې خدمتګار په شان د پېش کولو کوشش وکړه چې په خپل کار نۀ شرميږى، او چې د حق د کلام تعليم په صحيح توګه پېش کوى.
دوېم تيموتيوس ۱:۸ · دوېم تيموتيوس ۲ · دوېم تيموتيوس ۲:۱۵ · PYPB
لکه د ۱ تیموتی په څیر، ۲ تیموتی هم د کلیسا یا مجلس سره په تړاو کې د انفرادي مسؤلیت سره معامله کوي، دوه انګلیسي کلمې چې د ورته یوناني کلمې ژباړې لپاره کارول کیږي. پاول دا لیک له زندان څخه لیکلی. دا د هغه وروستی لیک دی، چې په دې پوهیدو سره لیکل شوی چې هغه د څښتن لپاره د خپل شاهدۍ له امله وژل کیږي. دلته هغه نور د «خدای کور» په اړه خبرې نه کوي، بلکې د «یو لوی کور» په اړه خبرې کوي (۲:۲۰). هغه څه چې یو وخت د خدای کور په یو څه پاکوالي او حقیقت کې و، د لویو غلطیو او د بې عزتۍ لوښو ته د اجازه ورکولو نقطې ته رسیدلی و. همدارنګه، په آسیا کې ټولو له پاول څخه مخ واړاوه، نور یې د هغه تعلیم نه غوښتل.
مګر هغه نه و مایوسه شوی. په حقیقت کې، په خوښۍ زړه سره هغه دې ځوان ته وهڅاوه چې د خپل طبیعي شرم په وړاندې ځان پیاوړی کړي. تیموتی باید د څښتن د شاهدۍ څخه شرمنده نه وي، د حقیقت کلمه په سمه توګه وویشي (۲:۱۵)، د خدای لپاره په کلکه او پریکړه سره عمل کولو کې د ټولو برکتي حقیقت څخه پوره ګټه واخلي. هغه باید هیڅ شی له پامه ونه غورځوي، که د مبلغ په کار کې وي یا د خدای خلکو ته په خدمت کې. دویمه برخه مومن په اته مهمو اړخونو کې ښیي او د هر مومن لپاره خورا ښه ده چې نن ورځ په صادقانه توګه د څښتن خدمت کول غواړي.
د وتلو او روحاني بې پروایۍ ورځو لپاره، دا کتاب د صادق زړه لپاره لوی هڅونه لري. دا د اوسني شرایطو په اړه د خدای د پوهې په نظر کې نیولو سره د خدای د چمتووالي برکت اعلانوي. په دې توګه، هر څه چې په مسیحیت کې د خدای نوم ته بې عزتي کیږي، یو څوک لاهم د تیموتی د نوم معنی ته ریښتینی پاتې کیدی شي، د خدای درناوی کوي.
